gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Ժառանգության պահապանի օրը Էրեբունիում

PDFՏպել

images/18042012.jpg18.04.2012

Այսօր «Էրեբունի» պատմահանգիտական արգելոց-թանգարանում նշվեց Հուշարձանների և տեսարժան վայրերի միջազգային օրը` «Համաշխարհային ժառանգության հնագիտական վայրերը» ցուցահանդեսի բացմամբ: Այն այցելուին է ներկայացնում 15 երկրների 20 հնագիտական վայրեր, որոնք գրանցված են ՅՈՒՆԵՍԿՕ-ի Համաշխարհային ժառանգության ցուցակում:

Կարդալ ավելին...

Ապրիլի 18. անդրադարձ Համաշխարհային հնագիտական ժառանգությանը

PDFՏպել

images/april18042012.jpg11.04.2012

Հուշարձանների և տեսարժան վայրերի միջազգային օրը` ապրիլի 18-ը «Էրեբունի» պատմահնագիտական արգելոց-թանգարանում կնշվի  «Համաշխարհային ժառանգության հնագիտական վայրերը» ցուցահանդեսի բացմամբ, որը նվիրվում է ՅՈՒՆԵՍԿՕ-ի Համաշխարհային ժառանգության կոնվենցիայի 40-րդ տարեդարձին: Նույն օրը արգելոց-թանգարանում կնշանավորվի նաև Երևանի քաղաքապետարանի աջակցությամբ  կառուցված թեքահարթակի բացմամբ` նախատեսված տեղաշարժման սահմանափակ կարողություններ ունեցող մարդկանց համար:

Կարդալ ավելին...

Երևանի քաղաքապետարանի «Էրեբունի» պատմահնագիտական արգելոց-թանգարանն ընդունում է «Պատանի հնագետ» դպրոցի դասընթացի մասնակցության հայտեր

PDFՏպել

images/participantsforcoursesya.jpg03.04.2012

«Էրեբունի» պատմահնագիտական արգելոց-թանգարանին առընթեր «Պատանի հնագետ» դպրոցը հրավիրում է միջին և բարձր դասարանների դպրոցականներին` հերթագրվելու դպրոցի 1-ին դասընթացին և պեղումների գործաշրջանին: Տեսական պարապմունքների տևողությունը 3 շաբաթ է` շաբաթական 2 դաս պարբերականությամբ:

Կարդալ ավելին...

«Էրեբունի» արգելոց-թանգարանը կմասնակցի ARTEXPO-2012-ին` «Գրավոր ժառանգության ակունքներում» խորագրի ներքո

PDFՏպել

images/artexpo2012.jpg02.03.2012

Հայաստանի նկարչի տանն այսօր երեկոյան բացվող ARTEXPO-2012-ին առանձին տաղավարով կներկայանա նաև  «Էրեբունի» պատմահնագիտական արգելոց-թանգարանը` սեղամագիր պաստառների միջոցով ցուցադրելով գրավոր մշակույթի 5-հազարամյա ճանապարհը` քաղաքակրթությունների և տեխնոլոգիաների հերթափոխում :

Կարդալ ավելին...

Էրեբունի ամրոցը ներկայացվել է ԻԿՕՄՕՍ-ի «Վտանգված ժառանգություն. 2008-2010» տարեգրքում

PDFՏպել

images/heritageatrisk161111.jpg16.11.2011

Լույս է տեսել աշխարհի վտանգված հուշարձանների և տեսարժան վայրերի վերաբերյալ Հուշարձանների և տեսարժան վայրերի միջազգային խորհրդի (ԻԿՕՄՕՍ)  2008-2010թթ.զեկույցը, որը հասցեագրված է մշակութային ժառանգության պահպանությամբ մտահոգ միջազգային հանրությանը:
2000 թվականից իրականացվող այս շարքը ժառանգության վտանգվածության վերաբերյալ ահազանգեր է հնչեցնում աշխարհի տարբեր կողմերից ու տարածաշրջաններից` նպաստելով ժառագության հնարավոր կորուստների ու  դրան պատճառվող վնասների կանխարգելմանը: 2008-2010թթ. ժողովածուն ներկայացնում է օրինակներ աշխարհի 41 երկրներից:
Տարեգրքում Հայաստանից ներկայացված է Էրեբունի ամրոցը. ներկայացված են քաղաք-ամրոցի համառոտ պատմությունը, վիճակի նկարագրությունը և հիմնավորումներ անհետաձգելի միջամտությունների վերաբերյալ: Հոդվածի հեղինակը հնագետ, «Էրեբունի» պատմահնագիտական արգելոց-թանգարանի տնօրենի տեղակալ  Արաքսի Մեշինյանն է:  

մանրամասն տես
http://www.international.icomos.org/risk/world_report/2008-2010/index.htm

Գիտագործնական դասախոսություն Էրեբունիում.

PDFՏպել

images/elenafunjini26102011.jpg26.10.2011

Այսօր` 2011թ. հոկտեմբերի 26-ին, «Էրեբունի» պատմահնագիտական թանգարանը հյուընկալել է Իտալիայի Արվեստների և վերակագնման «Պալացցո Սպինելլի» ինստիտուտի դասավանդող, խեցեղենի և քարե հնագիտական գտածոների վերականգնման մասնագետ Ելենա Ֆունջինիին` ով հանդես է եկել Իտալիայում խեցեղենի վերականգնման ժամանակակից մոտեցումների և վերականգնման պրակտիկայում կիրառվող նյութերի մասին դասախոսությամբ: Ինտերակտիվ ընթացող դասախոսությանը հաջորդել է գործնական աշխատանք արգելոց-թանգարանի վերականգնողական լաբորատորիայում. մասնավորապես ներկայացվել է մեղրամոմի, բնական խեժի և «Խառնուրդ -76» կոչվող միացության` որպես առավել ճկուն վերականգնողական նյութերի առավելությունը հնագիտական առարկաների ամբողջացման պրակտիկայում լայնորեն օգտագործվող գիպսի համեմատությամբ:

Ե. Ֆունջինիի այցը Հայաստան և դասախոսությունների կազմակերպումը իրականացվել է տարածքային զարգացման համագործակցությանն ուղղված «Բանյո ա Ռիպոլիի – Արարատ» նախագծի շրջանակում, որին իր կրթամշակութային աջակցությունն է ցուցաբերել 1976թ. Ֆրանչեսկո Ամոդեյի կողմից Ֆլորենցիայում հիմնադրված և շարժական ժառանգության վերականգնման բնագավառում առաջատար փորձ ունեցող «Պալացցո Սպինելլի» վերականգնման կենտրոնը:

Եվրոպական շարժման առաջնորդները Էրեբունիում.

PDFՏպել

images/preuropianleaders22102011.jpg22.10.2011

2011թ. հոկտեմբերի 20-21-ին Երևանում գումարված Եվրոպական շարժման միջազգային կոնգրեսի առաջնորդներ Փաթ Կոքսը և Շարլ Ֆերդինանտ Նոթոմբը, երեկ` հոկտեմբերի 21-ին, օրվա 2-րդ կեսին, կոնգրեսի աշխատանքների ավարտից հետո այցելել են Էրեբունի ամրոցի միջնաբերդ և թանգարան` ծանոթանալու Երևան մայրաքաղաքի բնօրրանին: Եվրոպական շարժման առաջնորդները Հայաստանի եվրոպական ինտեգրման ճանապարհին կարևորել են պատմամշակութային ժառանգության պահպանության սկզբունքները և մոտեցումները, մասնավորապես նշել են քաղաքային միջավայրում հնագիտական ժառանգության ներկայացման բարդությունները:

Կարդալ ավելին...

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book