gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Էրեբունին մասնակցել է Լիոնում Հողաշեն կառույցներին նվիրված XII միջազգային կոնգրեսին

PDF Տպել

2016թ. hուլիսի 10-18-ը Հայաստանից Ֆրանսիա մեկնած պատվիրակությունը  մասնակցել է Լիոնում կայացած Հողաշեն կառույցներին նվիրված XII միջազգային կոնգրեսին: Պատվիրակության կազմում է եղել նաև Երևանի քաղաքապետարանի «Էրեբունի» պատմահնագիտական արգելոց-թանգարանի տնօրեն Գ. Գյուրջյանը:

Լիոն կատարած այցի շրջանակում հայկական պատվիրակության անդամներից երեքը՝ Լ.Ղազարյանը, Է. Հարությունյանը, Հ. Պետրոսյանը, հանդես են եկել հողաշեն կառույցների ճարտարապետության, պահպանության խնդիրների  վերաբերյալ զեկույցներով:

Գիտաժողովին մասնակցություն են ունեցել աշխարհի 70 երկրների շուրջ 800 մասնակիցներ: Հայկական պատվիրակության համար  հիշարժան է եղել Հայաստանին նվիրված երեկոն՝ Լիոնի քաղաքապետարանի կողմից կազմակերպված հատուկ ընդունելությամբ:

Ֆրանսիացի գործընկերների հետ աշխատանքային հանդիպումների և մասնավոր զրույցների ժամանակ և Գրենոբլի «Հողաշեն ճարտարապետության միջազգային կենտրոն»-ի՝ CRAterre-ի  ղեկավարի հետ  զրուցելիս՝ «Էրեբունի» արգելոց-թանգարանի տնօրեն Գ. Գյուրջյանն ամրապնդել է նախկինում ձեռք բերված պայմանավորվածությունը համագործակցության վերաբերյալ՝ հատկանշելով, որ հում աղյուսը «Էրեբունի» և «Կարմիր բլուր» ուրարտական ամրոցների կառուցման հիմնական շինանյութ է հանդիսանում, իսկ այդ հնավայրերից հայտնաբերված նյութերը լայնորեն բացահայտում են ուրարտացիների կողմից կավի օգտագործման հնարավորությունները, նրա բաղադրության, գույնի, ֆիզիկա-քիմիական և մեխանիկական հատկությունների մասին առանձնահատկությունները:

Արգելոց-թանգարանի տնօրեն Գ. Գյուրջյանը կարևորել է ս.թ. հունիս-հուլիս ժամանակաշրջանում CRAterre-ի մասնագետի կողմից Էրեբունի հնավայրում իրականացրած գործնական դասընթացը հում աղյուսի պատրաստման նյութի և մեթոդի օգտագործման վերաբերյալ, որին մասնակցել են Ճարտարապետության և շինարարության Հայաստանի ազգային համալսարանի ուսանողները և «Էրեբունի» թանգարանի աշխատակիցները՝ ստանալով համապատասխան որակավորման վկայականներ: Այս խնդիրը առավել հրատապ է դառնում Էրեբունի-Երևանի 2800-ամյակի տոնակատարության շեմին /2018թ./՝ լայնածավալ վերականգնման աշխատանքների իրականացման ծրագիրը կյանքի կոչելու գործում:

Գ. Գյուրջյանն անդրադարձել է Ֆրանսիացի հնագետների հետ դեռևս 2008թ.-ից հաստատված համագործակցության՝ Էրեբունի ամրոցում համատեղ արշավախմբով պեղումներ իրականացնելու հաջողված փորձին և ընդգծել, որ նշյալ համագործակցության շրջանակը կարելի է ընդլայնել՝ Ֆրանսիայի CRAterre-ի և հողաշեն ճարտարապետության պահպանության խնդիրներով զբաղվող այլ կառույցների հետ հում աղյուսի վերաբերյալ ուսումնասիրություններ անելով, ինչն էապես կնպաստի հողաշեն ժառանգության պահպանությանը, նրա արդիականության հնարավորությունների  զարգացմանը:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book