gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Եվրոպական ժառանգության օրերի մեկնարկը Էրեբունի արգելոց-թանգարանում

PDF Տպել

2016թ. սեպտեմբերի 24-ին  Երևանի քաղաքապետարանի «Էրեբունի» պատմահնագիտական արգելոց-թանգարանը ԻԿՕՄՕՍ/Հայաստան կազմակերպության հետ համատեղ Եվրոպական ժառանգության օրերին կմիանա միջոցառումների հատուկ ծրագրով` նվիրված ՀՀ անկախության 25-րդ տարեդարձին։ «Ժառանգությունը և համայնքը» համաեվրոպական խորագրի ներքո էրեբունի թանգարանի ժամանակավոր ցուցադրությունների սրահում կբացվի  «Իմ համայնքի ժառանգությունը» ցուցահանդեսը՝ ընդգծելով համայնքի դերն ու նշանակությունը մշակութային ժառանգության ստեղծման, պահպանման և զարգացման կարևոր գործում։ Ցուցահանդեսում ընդգրկված են Էրեբունի համայնքի Մանկապատանեկան ստեղծագործության կենտրոնի և Միքայել Մալունցյանի անվան արվեստի դպրոցի սաների աշխատանքները։

Այն նպատակ ունի ոգեշնչել 25-ամյա անկախություն ունեցող համայնքներում ստեղծագործող երեխաներին ու պատանիներին՝ ճանաչելու և արժևորելու սեփական համայնքի ժառանգությունը՝ փոքրուց սերմանելով հարգանքը համայնքի և, ընդհանրապես, պատմամշակութային ժառանգության հանդեպ: Սեպտեմբերի 24-ին Եվրոպական ժառանգության օրերի մասնակիցներին կողջունեն և օրվա խորհուրդն ազդարարող խոսքերով հանդես կգան ժառանգության ոլորտի մի խումբ գործիչներ և Էրեբունի համայնքի ներկայացուցիչներ:  Ժառանգության օրերի շրջանակում իրականացվող միջոցառումը կմեկնարկի Երևանի Էրեբունի վարչական համայնքի Տ. Չուխաջյանի անվան երաժշտական դպրոցի երգչախմբի, նվագախմբի և Մ. Մալունցյանի անվան արվեստի դպրոցի սաների ելույթներով, ապա Մանկապատանեկան ստեղծագործության կենտրոնի «Հայաստան» պարային համույթի ժողովրդական պարերի բեմադրությամբ։ Համաեվրոպական օրերի այցելուները արգելոց-թանգարանի դիմացի հարթակում  հնարավորություն կունենան դիտելու Էրեբունի համայնքի փոքրիկ նկարիչների ձեռքով նաև տեղում պատրաստվող նկարները՝ նվիրված ՀՀ անկախության տոնին:                                           Ցուցահանդեսի դիտումից հետո հյուրերի և մասնակիցների համար կկազմակերպվի ճանաչողական շրջայց՝ «Էրեբունի. իմ համայնքի ժառանգությունը» խորհրդանշական կարգախոսով:

Համաեվրոպական օրերի շրջանակում կայանալիք միջոցառումը կմեկնարկի 2016թ. սեպտեմբերի 24-ին, ժամը 14:00-ին «Էրեբունի» արգելոց-թանգարանում:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book