gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Պետական Էրմիտաժի տնօրեն Մ. Պիոտրովսկու այցը «Էրեբունի» արգելոց-թանգարան

PDF Տպել

2016թ. դեկտեմբերի 12-ին պաշտոնական հրավերով Երևանում գտնվող   Պետական Էրմիտաժի գլխավոր տնօրեն Միխայիլ Պիոտրովսկին այցելել է «Էրեբունի» արգելոց-թանգարան: Մ. Պիոտրովսկին իր  որդու՝ Բորիս Պիոտրովսկու հետ միասին արգելոց-թանգարանի տնօրեն Գագիկ Գյուրջյանի ուղեկցությամբ շրջել և ծանոթացել  է թանգարանի միջանցիկ սրահում կազմակերպված ականավոր գիտնական, ԽՍՀՄ և ՀԽՍՀ գիտությունների ակադեմիաների ակադեմիկոս Բորիս Պիոտրովսկուն նվիրված «Բորիս Պիոտրովսկու հետքերով» ժամանակավոր ցուցահադեսին:

Նա մեծ գոհունակությամբ դիտել և անձամբ մեկնաբանել է սրահի պատերին փակցված պաստառների տեղեկույթը, որը նվիրվել է Բորիս Պիոտրովսկու գիտական գործունեությանը, նրա ղեկավարությամբ իրականացված հնագիտական պեղումներին, մասնավորապես Կարմիր բլուրում, ինչպես նաև ներկայացվել է ընտանիքին՝ կնոջը և որդիներին վերաբերող լուսանկարներ ու պատմություններ: Առանձին ցուցափեղկերում ցուցադրվել են Բ. Պիոտրովսկու հոդվածները, գրքերը և նրա կողմից Կարմիր բլուրից պեղումներով հայտնաբերված սափորները, որոնք թանգարանի ֆոնդերից հանվել են հատուկ այդ ցուցահանդեսին ներկայացնելու համար:

Այնուհետև,  թանգարանի ժամանակավոր ցուցադրությունների սրահում տեղի է ունեցել հանդիպում Մ. Պիոտրովսկու և արգելոց-թանգարանի աշխատակիցների, պաշտոնատար անձանց,  մի խումբ ճարտարապետների, հնագետների, Երևանի ԲՈՒՀ-երի ուսանողների միջև: Բացման խոսքով հանդես է եկել թանգարանի տնօրեն Գ. Գյուրջյանը, ապա «Էրեբունի» թանգարանի կողմից պատվավոր հյուրին նվիրել նրա հոր՝ Բ. Պիոտրովսկու արշավախմբի կողմից Կարմիր բլուրից հայտնաբերված Ձիու գլխի արձանիկի բրոնզաձույլ կրկնօրինակը:  Ողջույնի խոսքեր են հղել Հայաստանի հնագիտության, պատմամշակութային  ոլորտի այն գործիչները, ովքեր շատ թե քիչ առնչվել են «Բորիս Պիոտրովսկի» մեծանուն գիտնականին:                 Հանդիպմանը մասնակցել և իրենց հիշողություններով կիսվել են Բ. Պիոտրովսկու սաները, ովքեր ներկայումս Հայաստանի  ականավոր գիտնականներից են:

Պետական Էրմիտաժի գլխավոր տնօրենը՝ Մ. Պիոտրովսկին, շնորհակալություն հայտնելով ջերմ  ընդունելության, կազմակերպված գեղեցիկ ցուցադրության և հանդիպման համար, իր կողմից Պետական Էրմիտաժի մասին գրքեր է նվիրել «Էրեբունի» թանգարանին: Ապա հատուկ հանդիպման մասնակիցների համար Մ. Պիոտրովսկին առանձին լուսանկարների շարքով ներկայացրել է Պետական Էրմիտաժի Ուրարտուի և Հայաստանի մշակույթի և արվեստի սրահները, արժեքավոր ցուցանմուշները: Առանձին անդրադարձ է եղել Պետական Էրմիտաժի արդի նախաձեռնությունների, նոր նախագծերի իրականացմանը:

Հանդիպման ավարտին Մ. Պիոտրովսկուն անակնկալ է մատուցվել թանգարանի մշտական ցուցասրահում, որտեղ երկու  ցուցափեղկերից մեկում ցուցադրվել է  Բ. Պիոտրովսկու կողմից դեռևս 1971թ. «Էրեբունի» թանգարանին նվիրած կոնյակը՝ զավեշտալի մակագրություններով, իսկ մյուսում՝ «2798 Էրեբունի-Երևան» կոնյակը, որը, նույն կերպ, տեղում մակագրվել է Մ. Պիոտրովսկու և նրա որդու՝ Բ. Պիոտրովսկու կողմից:

Կրկին շնորհակալություն հայտնելով «Էրեբունի» արգելոց-թանգարանի աշխատակազմին՝ Մ. Պիոտրովսկին հրաժեշտից առաջ լուսանկարվել է թանգարանի աշխատակիցների հետ՝ առաջիկայում կրկին «հարազատ տանը»՝ «Էրեբունի» թանգարանում  հանդիպելու  ակնկալիքով:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book