gototopgototop
  1. Skip to Menu
  2. Skip to Content
  3. Skip to Footer>

Էրեբունի. այստեղից է սկսվում Երևանը

City

«Էրեբունի» պատմահնագիտական արգելոց-թանգարանը ստեղծվել է որպես Երևանի հիմնադրման պատմության «Էրեբունի» թանգարան` ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից` Արին բերդից, Կարմիր բլուրից և Շենգավիթից հայտնաբերված գտածոները:

Արգելոց-թանգարանը գործում է իր կանոնադրության հիման վրա` իրականացնելով գիտալուսավորչական, գիտատեղեկատվական և մշակութային գործունեություն:

Էրեբունի. այստեղից է սկսվում Երևանը

Woman

Արգելոց-թանգարանի գործունեության նպատակը մշակութային արժեք ներկայացնող նշյալ անշարժ հուշարձանների ուսումնասիրման, պահպանման, հանրահռչակման, օգտագործման, ինչպես նաև հուշարձանախմբերի, հուշարձանների համալիրների պատմական միջավայրի և դրան հարող տեղանքապատկերների (լանդշաֆտ) ամբողջական պահպանության ապահովումն է, այդ և այլ հուշարձաններից հայտնաբերված թանգարանային առարկաների և հավաքածուների հաշվառումը, թանգարանային հավաքածուի անխաթար և ամբողջական պահպանության ապահովումը:

Էրեբունի. այստեղից է սկսվում Երևանը

New York

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի

Էրեբունի. այստեղից է սկսվում Երևանը

Chess

Հանրության առջև թանգարանն իր դռները բացել է 1968թ. հոկտեմբերի 19-ին` ի նշանավորումն Երևան քաղաքի 2750-րդ տարեդարձի: ՀՀ Կառավարության 2003թ. մարտի 7-ի N 313-Ն որոշմամբ վերանվանվել է «Էրեբունի» պատմահնագիտական արգելոց-թանգարան` «Կարմիր բլուր» և «Շենգավիթ» մասնաճյուղերով:

Հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն` տարածաշրջանում:

Էրեբունի. այստեղից է սկսվում Երևանը

City

Կազմավորման փուլում թանգարանը բաղկացած էր վարչական մասից, հնագիտության սեկտորից (1 ֆոնդապահ) , մասնաճյուղ թանգարաններից և մասսայական բաժիններից: 1979թ. կազմակերպվել են գիտահետազոտական, ֆոնդերի հաշվառման և պահպանման բաժինները, ավելի ուշ` նաև գիտա-վերականգնողական լաբորատորիան:
ՀՀ Կառավարության 2010 թ. օգոստոսի 19-ի N1047 որոշմամբ «Էրեբունի» պատմահնագիտական արգելոց թանգարանը ՀՀ մշակույթի նախարարության ենթակայությունից անցել է Երևանի քաղաքապետարանին:

Հայ-իրանական համագործակցությունը նոր ընթացք է ստանում

PDF Տպել

2015թ. սեպտեմբերին ԻԿՕՄՕՍ/Հայաստանի, ԻԿՕՄ Հայաստանի և ԻԿՕՄ Իրանի միջև ստորագրված համագործակցության Հուշագրի շրջանակում ս.թ. հունվարի 8-12-ը Իրանի Իսլամական Հանրապետության մայրաքաղաք Թեհրանում տեղի է ունեցել «Թանգարանային միջավայրի և կանխարգելիչ պահպանման վերաբերյալ» միջազգային սեմինար: ICOM-IRAN, RICHT, RCCCR, նաև ICCROM, English Heritage, Eco CI և SRCCCR կազմակերպությունների կողմից կազմակերպված սեմինարին մասնակացել է նաև Երևանի քաղաքապետարանի «Էրեբունի» պատմահնագիտական արգելոց-թանգարանի Գիտահետազոտական բաժնի վարիչ` Աննա Ազիզյանը: Նա հանդես է եկել «Էրեբունի» արգելոց-թանգարանի շրջապատի պահպանմանը նվիրված զեկուցումով: Սեմինարին հրավիրված են եղել տարբեր երկրների մասնակիցներ` Բրիտանիայից, Իտալիայից, Պակիստանից, Թուրքիայից, Ղազախստանից, Ղրղզստանից: Երկու երկրների միջև 2015թ. հաստատված մշակութային սերտ համագործակցությունն ընդգրկում է մի շարք դրույթներ, որոնք պարբերաբար իրականացվում են:

Այսպես, 2015թ. «Էրեբունի» թանգարանում կազմակերպվել է «Էրեբունիից Պերսեպոլիս. ուրարտական և աքեմենյան մշակույթների հանգույցում» ցուցահանդեսը, որին ներկա են գտնվել իրանական կողմը ներկայացնող բազմաթիվ պաշտոնյաներ, հասարակական և մշակութային գործիչներ: 2016թ. մայիսին Համաշխարհային  ժառանգության ցանկում ընդգրկված Իրանի «Պերսեպոլիս» հնավայրի թանգարանում պատասխան ցուցահանդեսով հանդես է եկել «Էրեբունի» թանգարանը՝ ներկայացնելով «Հայաստանի Հանրապետության ուրարտական հուշարձանները» խորագրով ցուցահանդեսը: Հուշագրի մեկ այլ դրույթի համաձայն՝ Իրանում և Հայաստանում իրականացվող պեղումներին մասնակցել են  հնագետներ երկու երկրներից: Սույն դրույթի շրջանակում համագործակցություն է հաստատվել ՀՀ ԳԱԱ Հնագիտության ինստիտուտի և Իրանի Մշակութային ժառանգության և տուրիզմի հետազոտությունների ինստիտուտի միջև:

Հայ-իրանական համագործակցությունն արդյունավետորեն  շարունակվում է, որի վկայությունն է այս տարվա հունվարի 8-12-ը Թեհրանում կայացած միջազգային սեմինարը: Հարկ է նշել, որ առաջիկայում նմանատիպ սեմինար նախատեսվում է կազմակերպել Երևանում:

Այցելություն Էրեբունի

Որմնանկարներ

Image 1

Վազող նժույգ
Էրեբունի, մ.թ.ա. 8դ.

Գտածոներ

Image 2

Բրոնզե թաս
Արգիշտի Ա-ի արձանագրությամբ
Կարմիր բլուր, մ.թ.ա. 8դ.

Ոսկերչություն

Image

Ոսկե մատանի
Կարմիր բլուր, մ.թ.ա. 8դ.

Խեցեղեն

Image 2

Ցլագլուխ
Ծիսական անոթ
Երևանի բիայնական դամբարան, մ.թ.ա. 8-7դդ.

Հուշանվերների կրպակ

 

Erebuni

Էրեբունի թանգարանի հուշանվերների կրպակում Դուք կարող եք ձեռք բերել թանգարանային հավաքածուից ընտրված առարկաների կրկնօրինակներ և դրանց պատկերների օգտագործմամբ ստեղծված մշակութային արտադրանքներ:

Հուշամատյան. պատառներ

Երեսուն տարի առաջ սկսվեց ուրարտական հնագույն մշակույթի հրաշալի հուշարձանի` դարերի խորքից իր անունը պահպանած Երևան քաղաքի վաղագույն միջուկի` Էրեբունի ամրոցի ուսումնասիրությունը: Հնագետների համառ աշխատանքը ավարտվեց այս հրաշալի հուշարձանի` թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


Guest Book